Lemeskeun kalimah ieu 1.urang kudu bisa ngajaga kasehatan 2lamun gering,kudu dibubarkan karena dokter

Dina basa Sunda dipikawanoh ayana tingkatan atawa ragam basa. Malah kungsi kacatet dina basa Sunda teh aya nepi ka dalapan tingkatan atawa ragam basa. Nyaeta genep tingkatan basa lemes, jeung dua tingkatan basa Sunda anu biasa, kasar atawa sok disebut oge basa loma. Eta tingkatan basa teh sok disebut "undak-usuk basa Sunda".

Tapi kiwari geus sacara resmi ditangtukeun yen dina basa Sunda teh ngan saukur aya dua tingkatan atawa ragam basa, nyaeta anu disebut Ragam Basa Hormat / Lemes jeung Ragam Basa Loma. Ragam Basa Hormat / Lemes biasana digunakeun pikeun ngobrol jeung saluhureun atawa anu dipikahormat. Sedengken Ragam Basa Loma biasana digunakeun pikeun ngobrol jeung babaturan anu geus akrab. Istilah "undak-usuk basa Sunda" oge ayeuna mah geus diganti jadi "Tatakrama Basa Sunda".

Kalimah "urang kudu bisa ngajaga kasehatan" umpama dina Ragam Basa Hormat / Lemes jadi "urang kedah tiasa ngajagi kasehatan". Sedengkeun kalimah "lamun gering, kudu diubaran ka dokter" umpama dina Ragam Basa Hormat / Lemes jadi "upami teu damang, kedah dilandongan ka dokter".

Dina Ragam Basa Hormat / Lemes, aya ragam basa lemes pikeun ka batur atawa saluhureun jeung aya oge ragam basa lemes pikeun ka sorangan. Saperti kecap ngajaga, lemesna pikeun ka batur atawa saluhureun nyaeta "ngajagi", tapi lemesna pikeun ka sorangan nyaeta "ngajaga". Kitu oge kecap diubaran, lemesna pikeun ka batur atawa saluhureun nyaeta "dilandongan", tapi lemesna pikeun ka sorangan nyaeta "diubaran" atawa "diobatan".